Ne koristite regenerator jer imate problem s masnom kosom? Međutim, ako odaberete ovaj način pranja kose, nećete morati da se odreknete hidratacije koju vam balzam pruža.
Internet je postao nepresušan izvor novih bjuti trendova. U moru video snimaka koji se nižu jedan za drugim, čekaju vas raznorazni sadržaj: od profesionalaca koji dijele savjete do prosječnih korisnika koji su nešto isprobali i to im se dopalo, pa dijele svoje otkriće. Jedan u nizu trendova je takozvano „obrnuto pranje kose“.
Proces obrnutog pranja kose podrazumijeva promjenu redosljeda korištenja proizvoda dok peremo kosu. Uobičajeno je, kao što svi znamo da prvo kosu šamponiramo, a zatim stavljamo regenerator ili masku.
Međutim, sudeći po savjetma sa interneta kosu treba prvo ‘oprati’ regeneratorom, a zatim šamponom. I, navodno, ovaj obrnuti način pranja kose ima mnoge prednosti. Regenerator služi kao svojevrsan zaštitni sloj za kožu glave i kosu. Ako ga prvo stavimo pa poslije šamponiramo, to može pomoći sa da se kosa sporije masti i ne bude toliko teška.
Ako prvo koristite regenerator, a zatim šampon, kako kažu, uklanjate mnogo više regeneratora nego što to učini samo voda što rezultira poslušnijom i lakšom kosom s obzirom na to da regenerator otežava dlaku kose. Oni koji su isprobali ovu metodu tvrde da im je poslije pranja kosa bila lakša, mekša i bujnija.
Dobre strane obrnutog pranja kose:
- Daje kosi sjaj i veći volumen;
- Hidrira kosu iznutra;
- Ne ostavlja kosu masnom poslije pranja;
- Sprječava pojavu naelektrisane kose;
- Sprječava nakupljanje nečistoća koje ćine kosu teškom;
- Nakon pranja kosa je svilenkasta i lepršava.
Kosu smo ranije prali tako što smo je prvo šamponirali, potom stavljali balzam. Na taj način šamponom skidamo nečistoće, ali i prirodna ulja sa kože glave koja su značajna za zdravlje naše kose. Onda balzam služi da nadomjesti nedostatak ulja i hidratacije. Zagovornici ovog trenda kažu da je to totalno pogrešno.
Ako prvo stavimo balzam, on će hidrirati kosu i nahraniti vlasište, stvarajući nevidljivi zaštitni sloj i sprečavajuči šamponu da ukloni previše ulja. Također, šampon neće moći da prodre u dubinu i ostavi kosu bez prirodnih ovlaživača. Na taj način nakon pranja kosa će biti hidrirana, mekana i zdrava.
S obzirom da su glavni benefiti obrnutog pranja kose duboka hidratacija i potencijalno poboljšanje općeg izgleda kose, svako ga može primijeniti jer nikome ne može da šteti.
